شارع الزراعة

كيف بدنا نوصف الزراعة الساعة 7.30 المسا , بنات على أبو جنب شي سكن و شي من براة السكن و لحق إذا بتلحق , شي مزلوط وشي عامل حشمة بس طالع حلو . السيارات أوووووووف يا بو الزلف ماركات كتير شي منعرفو و شي ما منعرفو بس الكل مشترك بشغلة الفيمي و صورة ***** ع الشباك الوراني , أغاني أليسا صادحة و مالحة و الشاطر يللي بدو يجيب مجموعة صوت تولع الدني , أحلى شي أنو الشباب بكونو شوي منفعلين و طاله عندن مستو الأدرينالين فبتشوف الواحد عم يزاورك ليش ما بتعرف المهم أنو عم يزاور و يحس حالو و يحسس غيرو أنو زلمي , ناطرك لحتى تعين فيه منشان يعلق معك , شباب الزراعة كويسين بالغالب بس يا شحارن نصن شم و لا تدوق لهيك بيحملو حالن و بيروحو عالمشروع السابع أو البلد بلكي بت$ط , الآدمي ببيتو بصير وسخ منشان التشبيح و لحق إذا بتلحق . التشفيط يا بيي ولا الفورمولا ون كلو شوماخر و الونسو مع أنو بيكون مع الواحد منن سيارة يا دوب شايلي حالا , في ناس فقيرين متلي بيمشو الحيط الحيط وبيقولو يا رب ما تعين فيني شي بنت منشان ما إلحقا أو انشغل فيا كل اليوم , منروح عالبيت منحس حالنا جايين من السفر من شي دولة أوروبية بس لابسة عقال عربي ألا وهي مشروع الزراعة في اللاذقية

للحديث تتمة .......