مقتل اربع بنات في سكن جامعة تشرين

خبر عاجل: أربع بنات مقتولات في السكن الجامعي في جامعة تشرين
خبر عاجل تكتمت عنه وكالات الأنباء: البنات الأربعة (ك) و (ب) و (د) و (س) مقتولات في السكن الجامعي في جامعة تشرين في اللاذقية

ما بعرف إذا حدا عنده علم بالقصة يلي صارت في جامعة تشرين في اللاذقية.
رح أحكيلكم عن هالحدث المأساوي يلي صار بجامعة تشرين في اللاذقية
تم التكتم على أحداثه من قبل وسائل الإعلام، ليش؟؟؟؟ الله أعلم.
تبدأ أحداث القصة، في غرفة أحد الطلاب الشباب في الجامعة وكعادته كل مساء يجتمع هو ورفاقه، لتبدأ السهرة، ويعني سهرات هالشباب ما بتختلف عن السهرات الاعتيادية، المهم وبنص السهرة والشباب بيلعبوا شدة، وهذا بيدخن، وهذا بياكل بزر، والثالث بيتسمع عالراديو، وهذا بيحكي مع رفيقه عالموبايل، وحوالي الساعة الثانية ليلاً، ومن كلمة لكلمة، بين الشباب اللي بيلعبوا شدة، وهذا بيقول أنت خسران، والثاني بيقول لأ أنت خسران، راح واحد من الشباب، وأخذ ورق الشدة، ورمى به على ساحة وراء البناية تبع سكن الطلاب.
عصب واحد من الشباب وتخانق هو والشب اللي رمى الورق، ووقعت مشكلة طويلة عريضة، شعروا شرطة السكن الجامعي القريبة من المكان والناس بوجود مشكلة، وعلى الفور، طلعوا عالغرفة اللي صايرة فيها المشكلة، وطلبوا الهويات الجامعية، وقعدوا مشان يفهموا القصة وليش في مشكلة، ومن سياق الحديث واحد من الشباب بيقول للضابط: سيدي، الله وكيلك بسيطة، المشكلة كلها عشان لعبة شدة، قال الضابط : وين الشدة؟ قال الشاب: رميتها عالساحة اللي ورا البناية. الضابط قال: هلأ منشوف.
بيطلب الضابط من العناصر اللي معه أنهم ينزلوا عالساحة ويتأكدوا من القصة. بينزلوا العناصر عالساحة الخلفية للبناية، وأول ما بيوصلوا عليها، بيوقفوا مذهولين من هول المشهد....... مشهد تقشعر منه الأبدان
جريمة لا تغتفر. أربع بنات مقتولين ومقطعين
أربع بنات، يبدو أنهم قتلوا وقطعوا ثم تم إلقاؤهم من مكان عالي
أربع بنات
في وضع مزري للغاية
واحد راميهن من الطابق العلوي،
بس الاستغراب كيف الجيران ما سمعوا صوتهم ؟؟؟
شو السر يا ترى
ومين هالبنات ؟؟؟
اخذت الشرطة تحقق بالموضوع لحد ما اكتشفوا
أن البنات هم:

ك= بنت الكبة
ب= بنت البستوني
د= بنت الديناري
س= بنت السباتي
هههههههههههههه
وتعيشوا وتاكلوا غيرها

lol!

» قصة مقتل المتنبي